.gif)
राष्ट्रपति निर्वाचनको लागि आज उम्मेद्वारी मनोनयन हुँदैछ ।
सत्तारुढ दल एमालेको मंगलबार बसेको स्थायी समितिको बैठकले वर्तमान राष्ट्रपति विद्यादेवी भण्डारीलाई नै थप पाँच वर्षका लागि दोहो¥याउने निर्णय गरेको छ । प्रधानमन्त्री निवास बालुवाटारमा मंगलबार दिउँसै सुरु भएको बैठक राति १२ बजेसम्म बसेको थियो ।
एमाले पूर्वअध्यक्ष तथा पूर्व प्रधानमन्त्री झलनाथ खनालले पनि राष्ट्रपति उम्मेदवारमा दाबी गरेपछि निर्णय गर्न कठिन भएको थियो । भण्डारी र खनालको पक्षमा स्थायी समितिमा झण्डै बराबरीजस्तै सदस्य उभिएका थिए ।
नेपाली कांग्रेसले भने पूर्वसांसद कुमारी लक्ष्मी राईलाई राष्ट्रपतिको उम्मेदवार बनाउने निर्णय गरेको छ । पार्टी कार्यालय सानेपामा बिहीबार विहान बसेको बैठकले राईलाई उम्मेदवार बनाउने निर्णय गरेको हो । उनी कांग्रेस नेता देवानसिंह राईकी छोरी हुन् ।
माओबादीको समेत समर्थनमा भण्डारी सजिलै राष्ट्रपति चुनिने छिन् ।
यता उम्मेदवारी दर्ताका लागि भण्डारी आफै संसद भवन नयाँ वानेश्वर जाने भएकी छिन । उनी आफै १२ बजे संसद भवन गएर उम्मेदवारी दर्ता गराउने भएकी हुन् ।
निर्वाचन आयोगले २९ फागुनमा राष्ट्रपतिको निर्वाचन गर्नेगरी कार्यतालिका सार्वजनिक गरिसको छ ।
.gif)
