सर्वोच्च अदालतले केपी ओली सरकारले सिफारिस गरेका तीनै जना राष्ट्रिय सभा सदस्यलाई शपथ गर्न दिन आदेश दिएको छ ।अदालतले आज राष्ट्रियसभामा मनोनित तीन जना सांसादको सपथग्रहण रोक्न आफैले दिएको अन्तरिम आदेश खारेज गर्दै ओली सरकारले सिफारिस गरेका सदस्यको सपथ गर्न बाटो खोलिदिएको हो ।
बुधबार सर्वोच्च अदालतले अन्तरिम आदेश खारेज गरेपछि अब तीन सांसदले सपथ ग्रहण गर्ने बाटो खेलेको छ ।न्यायाधीशद्वय केदारप्रसाद चालिसे र शारदाप्रदान घिमिरेको इजलासले यस्तो आदेश दिएको हो ।
८ फागुन २०७४ मा राष्ट्रपति भण्डारीले प्रधानमन्त्री केपी शर्मा ओलीको सिफारिसमा डा. युवराज खतिवडा, रामनारायण विडारी र डा. विमला पौडेललाई राष्ट्रिय सभा सांसद मनोनित गरेकी थिइन् । खतिवडा अर्थ मन्त्री समेत बनि सकेका छन् ।
राष्ट्रपतिले ओली सरकारले गरेको सिफारिस अनुमोदन गरेपछि देउवा सरकारले सिफारिस गरेका कृष्णप्रसाद पौडेल, गोपाल बस्नेत र चाँदनी जोशी आफुलाई मनोनित गर्नु पर्ने भन्दै अदालत गएका थिए ।