नेपाल उद्योग बाणिज्य माहासंघको राजधानीमा चैत्र १४ गतेदेखि ४ दिनसम्म नेपाल अन्तर्राष्ट्रिय व्यापार मेला हुने भएको छ । नेपालमा अन्तराष्ट्रिय लगानी तथा प्रविधि आकर्षण गर्ने र नेपाली उत्पादनहरुको अन्तराष्ट्रिय बजार प्रबर्दन गर्न मेलाको आयोजना हुन् लागेको हो ।
मेलामा नेपाल, भारत, चिन, बंगलादेश, लगायतका देशका २ सय २५ बढी स्टल रहने छन् । चीनको ९०, भारतको १० , बंगलादेशको ४० र स्वदेशी ८५ गरी गरी जम्मा २ सय २५ स्टलहरु हुने आयोजकले जनाएको हो । एक करोड ५ लाख खर्च हुने उक्त मेलामा १५ करोडको कारोबार हुने नेपाल उद्योग वाणिज्य महासंघले जनाएको छ । नेपाल सरकार वाणिज्य मन्त्रालय,उद्योग वाणिज्य संघ र हस्तकला महासंघको सह आयोजनामा उक्त मेला हुन लागेको हो ।
मेलाको मुख्य आकर्षणमा हस्तकलाका उत्पादनहरु, एनतीआईएस प्रोडक्टहरु, नेपाल व्यापार एकीकृत रणनीति, २०१६ मा समेटिएका अदुवा, चिया, पस्मिनालगायत नेपाली उत्पादन रहनेछन् । मेलाकै क्रममा अन्तर्राष्ट्रिय खरिदकर्तासँग प्रत्यक्ष अन्तरक्रिया गराउने लक्ष्य रहेको महासङ्घले जनाएको छ ।
स्वदेशी र विदेशी गरी करीब एक लाखले मेला अवलोकन गर्ने अनुमान गरिएको छ । मेलाले समग्र मुलुकको अर्थतन्त्रलाई माथि उठाउन सघाउ पुर्याउने आशा एवं बिश्वास महासंघले लिएको छ।