झापामा गएराति करेन्ट लागेर एकको मृत्यु भएको छ । गएराति भएको घटनामा कमल गाँउपालिकाका ५५ बर्षीय प्रेम खतिवडाको मृत्यु भएको हो भने सोहि घटनामा हिक्मत बुढा गम्भिर घाईते भएका छन् ।
शनिबार साँझ ८ बजेतिर कमल गाउँपालिका–५ स्थित कावेली करिडोर पावरहाउसको सवस्टेशन अगाडि राजमार्गको ट्रान्सफर्मर मर्मत गर्ने क्रममा अचानक विद्युत् चुहिँदा दुवै घाइते भएका हुन् । घाइतेलाई उपचारको क्रममा दमकस्थित लाइफलाइन अस्पतालमा ल्याउना साथ खतिवडाको मृत्यु भएको इलाका प्रहरी कार्यालय दमकका प्रहरी निरीक्षक खगेन्द्र एक्तेनले बताए ।
सोहि घटनामा गम्भिर घाइते भएका मुगुका ४९ वर्षीय बुढालाई थप उपचारका लागि भारतको सिलगुढी लगिएको प्रहरिले जनाएको छ । खतिवडा र बुढा दुवै नेपाल विद्युत् प्राधिकरण दमक वितरण केन्द्रका प्राविधिक रहेको बताइएको छ ।
प्रहरिले घटनाबारे अनुसन्धान गरिरहेको जनाएको छ ।