.gif)
एजेन्सी । च्याम्पियन्स लिगको नयाँ सिजनमा इंग्लिस क्लब म्यानचेस्टर सिटी विजयी भएको छ । समूह ‘एफ’ अन्तर्गत बुधबार राति अवे मैदानमा भएको खेलमा म्यानचेस्टर सिटीले डच क्लब फाइनोर्डलाई ४–० ले हराउदै विजयी भएको हो ।
म्यानचेस्टर सिटीको जितमा जोन स्टोनले दुई तथा सर्जियो अग्युरो र गाब्रिएल जिससले एक एक गोल गरे ।स्टोनले दोस्रो मिनेटमा नै गोल गर्दै सिटीलाई सुरुवाति अग्रता दिलाए । १० औं मिनेटमा अग्युरोले अग्रता दोब्बर पारे । २५ औं मिनेटमा जिससले गोल गरेपछि पहिलो हाफमा सिटीले ३–० को अग्रता लियो । ६३ औं मिनेटमा स्टोनले व्यक्तिगत दोस्रो गोल गरेपछि सिटीले ४–० को जित निकाल्यो ।
सिटी जितपछि तीन अंकसहित समूहको शीर्ष स्थानमा छ ।
.gif)
