खेल मैदानमा पानी जमेपछि आज पनि आईसीसी विश्व क्रिकेट लिग च्याम्पियनसिपको अन्तर्गत नेपाल र हङकङबीचको दोस्रो खेल हुन सकेको छैन । नेपाली समय अनुसार, बिहान सवा सात बजेदेखि सुरु हुनुपर्ने खेल मैदानमा पानी जमेका कारण अझै सुरु हुन नसकेको छैन ।
आइतबार हङकङमा लेभल एटको तुफानसँगै भएको भारी वर्षाका कारण मैदानमा पानी जम्न पुगेको छ । आइतबार नै हुनुपर्ने खेल तुफानका कारण आजलाई सारिएको थियो ।
यसअघि गत शुक्रबार भएको खेलमा नेपालले घरेलु टोली हङकङसँग ८३ रनको पराजय ब्यहोरेको थियो । आजको खेल स्थगित भएमा दुवै टोलीले एक–एक अंक बाँड्नेछन् । यस नतिजाले नेपाल आइसीसी विश्व क्रिकेट लिग च्याम्पियनसिपको शीर्ष चारमा पुग्न असफल हुनेछ ।
