२०१८ मा हुने ब्राजिलमा हुने बिश्वकपको लागि छनौट चरणका बाँकी खेलहरु आज बिहिबार राति बाट सुरु हुने छन् । जस अन्तर्गत आज राती २ खेल हुदै छन् ।
आज राती क्रोएसिया र ग्रिस तथा उत्तरी आयरल्याण्ड र स्विजरल्याण्ड भिड्ने छन् । दुवै खेल नेपाली समय अनुसार आज राती १:३० बजे सुरु हुनेछ । यो दुवै पहिलो चरणको खेल हो । दोस्रो चरण खेलेपछि समग्रमा हुने बिजेताले बिश्वकपमा स्थान बनाउने छ ।
हालसम्म २३ टिमले बिश्व लागि स्थान बनाई सकेका छन् । ३२ राष्ट्र सहभागी हुने बिश्वकपको लागि अब ९ राष्ट्र छनौट हुन् बाँकी छ । ति ९ स्थानको लागि २० देशले प्रतिस्पर्धा गर्ने छन् । अर्थात् अझै २० देशको बिश्व खेल्न सक्ने सम्भावना कायम नै छ ।
अर्जेन्टिना र पोर्चुगल अन्तिम खेलपछि मात्र छनोट हुन सफल भए भने आइसल्याण्ड र पानामाले विश्वकपमा पहिलो पटक छनोट भएर इतिहास रचे ।
उता अफ्रिकन च्याम्पियन क्यामरुन, दक्षिण अमेरिकी च्याम्पियन चिली र उत्तर अमेरिकी च्याम्पियन अमेरिका भने छनौट हुन्छ असफल रहे । त्यस्तै चिली, नेदरल्याण्ड्स, वेल्स र युक्रेन पनि छनौट हुन् असफल रहे ।
यस्ता छन् हालसम्म छनौट भएका २३ राष्ट्र ।
रसिया (आयोजक), अर्जेन्टिना, बेल्जियम, ब्राजिल, कोलम्बिया, कोस्टा रिका, इजिप्ट, इंग्ल्यान्ड, फ्रान्स, जर्मनी, आईसल्याण्ड, इरान, जापान, मेक्सिको, नाइजेरिया, पनामा, पोल्याण्ड, पोर्चुगल, साउदी अरेबिया , सर्बिया, साउथ कोरिया, स्पेन र उरुग्वे ।
अब छनौट हुन् बाँकी ९ देश मध्ये ३ देश अफ्रीकाबाट आउने छन् ।
अफ्रीकाबाट छनौट हुन् सक्ने राष्ट्रहरु :
समूह ए बाट : टुनिसिया र कंगो
समूह सी बाट : मोरोको र आइभोरी कोस्ट
समूह डी बाट : सेनेगल , बुकिना फासो, केप भर्दी, र दक्षिण अफ्रीका (यस समुहमा २ देशले समान २ खेल र अन्य २ देशले समान १ खेल खेल्न बाँकी रहेकाले सबै ४ टोलीको छनौट हुने सम्भावना कायम नै छ ।)
समूह बि बाट नाइजेरिया र समूह ई बाट इजिप्ट छनौट भैइसकेका छन् । हरेक समुहको समूह बिजेता छनौट हुने छ ।
त्यस्तै अब छनौट हुन् बाँकी ९ देश मध्ये ४ देश युरोपबाट छनौट हुनेछन् । यी ४ स्थानको लागि निम्न ८ देशले प्रतिस्पर्धा गर्ने छन् ।
स्विजरल्याण्ड, इटाली, डेनमार्क, क्रोएसिया, स्विडेन, नर्दन आयरल्याण्ड, ग्रिस र रिपब्लिक अफ आयरल्याण्ड ।
यी टोलीले होम र अवे गरी २ खेल खेल्ने छन् र २ खेलपछि समग्रमा ४ बिजेता टोलीले बिश्वकपमा स्थान बनाउने छन् ।
अफ्रीकाबाट ३ र युरोपबाट ४ पछि बाँकि इन्टर कन्टिनेन्टल प्लेअफको २ बिजेताले बिश्वकपमा स्थान बनाउने छन् ।
अस्ट्रेलिया, होन्डुरस , न्युजिल्यान्ड र पेरुले इन्टर कन्टिनेन्टल प्लेअफमा स्थान बनाएका छन् ।
अब अस्ट्रेलियाले होन्डुरससंग २ खेल खेल्ने छ र समग्रमा हुने बिजेताले बिश्वकपमा स्थान बनाउने छ । त्यस्तै न्युजिल्यान्डले पेरुसंग २ खेल खेल्ने छ र समग्रमा हुने बिजेताले बिश्वकपमा स्थान बनाउने छ ।
बिश्वकप आगामी १४ जुनदेखि १५ जुलाई सम्म चल्ने छ ।
