जिम्बाबेमा जारी एक दिवशीय विश्वकप क्रिकेट छनौट प्रतियोगितामा आज मंगलबार ४ खेल हुदै छन् । आज समूह ए को २ र समूह बि को २ गरी चार खेल हुन् लागेका हुन् ।
आज समूह ए अन्तर्गत आयरल्याण्ड र पपुवा न्यु गिनी तथा युएई र वेस्ट इन्डिजले प्रतिस्पर्धा गर्ने छन् । आयरल्याण्डले आफ्नो पहिलो खेलमा नेदरल्याण्डलाई पराजित गरेको थियो भने युएईले पपुवा न्यु गीनीलाई पराजित गरेको थियो । वेस्ट इन्डिजले भने आज पहिलो खेल्न लागेको हो ।
त्यस्तै आज समुह बि अन्तर्गत हंग कंग र स्कटल्याण्ड तथा जिम्बाबे र अफगानिस्तान भिड्ने छन् । अफगानिस्तान पहिलो खेलमा स्कटल्याण्डसंग पराजित भएको थियो भने जिम्बाबेले नेपाललाई पराजित गरेको थियो । हंगकंगले भने आज पहिलो खेल खेल्न लागेको हो ।
आजको सबै खेल नेपाली समय अनुसार १:१५ बजे सुरु हुनेछ ।
समुहको शिर्ष ३ स्थानमा पर्ने टोलीले सुपर सिक्समा स्थान बनाउने छन् र ति मध्येबाट उत्कृष्ट २ टोलीले सन् २०१९ मा हुने एक दिवशीय बिश्वकप खेल्न पाउने छन् ।
