नेपालले लर्ड्समा नेदरल्याण्ड्स र एमसीसीसंग टि २० खेल्दै, अन्तिम समयमा खेल तालिका परिमार्जन

शिव धिताल/बिजपाटी

शिव धिताल/बिजपाटी

Jul 29, 2018 | 06:29:52 PM मा प्रकाशित

laxmi  sunrise bank

  क्रिकेटको घर भनिने ऐतिहासिक लर्ड्स मैदानमा आइतबार हुने खेल तालिका परिमार्जन गरिएको छ  । बर्षाको कारण पहिलो खेल सुरु हुन् नसकेपछि खेल तालिका परिमार्जन गरिएको हो  ।  

जस अनुसार नेदरल्याण्डस र एमसीसीबिचको खेल ६ ओभरको हुनेछ  ।  त्यस्तै नेपाल र एमसीसीबिचको खेल ७:४५ बजे ६ ओभर कै हुनेछ  ।   नेपाल र नेदरल्याण्डसबीचको खेल भने २० ओभर कै हुनेछ  ।   यो खेल रति ९ बजे हुनेछ  ।  बर्षा बाधक नभएमा यो तालिका अनुसार आजको खेल हुने लर्ड्स मैदानका अधिकारीहरुले जनाएका हुन्  ।  

 मैत्रीपूर्ण भए पनि नेपाल र नेदरल्याण्ड्सबीचको खेललाई आईसीसीले अन्तर्राष्ट्रिय ट्वेण्टी ट्वेण्टीको मान्यता दिएको छ ।   एमसीसीको कप्तानी भेट्रान श्रीलंकाली क्रिकेटर महेला जयबर्द्धनेले गर्नेछन् ।  खेलको लागि नेपाली टोली एक साता अगाडी नै इंग्ल्याण्ड पुगेको छ । नेपालले त्यहाँ ३ अभ्यास खेल खेलेकोमा २ मा जित र एकमा हार बेहोरेको थियो । 

त्रिकोणात्मक शृँखलापछि नेपाली टोली नेदरल्याण्ड्स प्रस्थान गर्नेछ । जहाँ नेपालले बुधबार आफ्नो पहिलो एक दिबशीय खेल खेल्ने छ। शुक्रबार नेदरल्याण्डसंग नै दोस्रो खेल खेल्ने छ । एकदिवसीय मान्यता पाएपछि पहिलो पटक नेपालले शृंखला खेल्न लागेको हो । 

Share Your Thoughts

Recent News

Main News

Close in 7


Bizpati.com © 2020. All Rights Reserved