पोखरा रंगशालामा जारी पीपीएल क्रिकेटमा काठमाडौँले लगातार दोस्रो जित दर्ता गरेको छ । विराटनगरले दिएको १५० रनको लक्ष्य पूरा गर्न भारतीय खेलाडी गौरव तोमर एक्लैले ६ चौका र ३ छक्काको मद्दतमा ६६ रनको योगदान गरे । काठमाडौंले १९.२ ओभरमा ७ विकेट गुमाएर १५१ रन बनाउँदै लक्ष्य पूरा गर्यो ।
काठमाडौंविरुद्ध विराटनगरका साहब आलमले २ विकेट लिए भने कप्तान सन्दीप लामिछाने, किसन महतो र जितेन्द्र मुखियाले समान एक—एक विकेट लिए ।
टस जितेर पहिले ब्याटिङ गरेको सन्दिप लामिछाने नेतृत्वको विराटनगरले १४९ रन बनाएको थियो । मोहमद जाइद आलमले ६७ रन, सुनिल धमलाले ३० रन बनाए भने राजेश पुलामी मगरले ३० रन बनाएका थिए ।
आजको हारसँगै विराटनगरको थप यात्रा कठिन भएको छ । लगातारको हार व्यहोरेको विराटनगरले अब बाँकी रहेका दुई खेल जितेको खण्डमा अंक गणितका आधारमा नकआउट चरण पुग्नेछ ।