युरोपियन च्याम्पियन्स लिग फुटबलमा आज बार्सिलोना र लिभरपुल भिड्दैछन् । स्पेनिस बार्सिलोना र इंग्लिस टोली लिभरपुल बीचको खेल बार्सिलोनाको घरेलु मैदान क्याम्प नोउमा हुनेछ । आजको खेलपछि दोस्रो लेग मे ७ मा लिभरपुलको घरमा हुनेछ ।
लिभरपुल र बार्सिलोनालाई यो सिजनको प्रमुख उपाधि दाबेदार मानिएको छ । सेमिफाइनलमै यी दुई टोलिको भेट भएपछि आज हुने खेल निकै रामोञ्चक हुने अपेक्षा गरिउको छ । फाइनल पुग्न यी दुई टिमले एकअर्कालाई पाखा जित्नैपर्नेछ ।
हेड टु हेड रेकर्ड
युरोपको सबैभन्दा ठूलो यस प्रतियोगितामा बार्सिलोना र लिभरपुल हालसम्म जम्मा ८ पटक भिडेका छन् । हेड टु हेड रेकर्ड हेर्दा नतिजाका हिसाबले बार्सिलोनाभन्दा लिभरपुल हाबी देखिन्छ । यी दुई टिम च्याम्पियन्स लिगमा जम्मा ८ पटक भिड्दा लिभरपुलले ३ खेल जितेको छ भने बार्सिलोनाले २ खेल जितेको छ । बाँकी तीन खेलमा बराबरीमा रोकिएका छन् ।
३० मार्च १९७६ – बार्सिलोना ०–१ लिभरपुल
१४ अप्रिल १९७६ – लिभरपुल १– १ बार्सिलोना
५ अप्रिल २००१ – बार्सिलोना ०–० लिभरपुल
१९ अप्रिल २००१ – लिभरपुल १–० बार्सिलोना
२० नोभेम्बर २००१ – लिभरपुल १–३ बार्सिलोना
१३ मार्च २००२ – बार्सिलोना ०–० लिभरपुल
२१ फेब्रुअरी २००७ – बार्सिलोना १ – २ लिभरपुल
६ मार्च २००७ – लिभरपुल ०–१ बार्सिलोना