राष्ट्रिय खेलकुद परिषद्को सदस्य सचिवमा रमेश सिलवाल नियुक्त भएका छन् । शुक्रबार बसेको मन्त्रिपरिषद् बैठकले सिलवाललाई नियुक्त गरेको हो । तर यो निर्णय भने सरकारले सार्वजनिक गरिसकेको छैन ।
सिलवाल गोल्डेनगेट कलेजका सञ्चालक तथा निजी विद्यालयको छाता संगठन हिसानका अध्यक्ष पनि हुन् ।
प्रधानमन्त्री केपी शर्मा ओली युवा संघको अध्यक्ष हुँदा सिलवालले सचिव थिए । नेपाल क्रिकेट संघ क्यान आईसीसीको निलम्बनमा पर्दा सरकारले सिलवालकै नेतृत्वमा क्यानको तदर्थ कमिटी पनि बनाएको थियो ।
केशवकुमार विष्टको कार्यकाल असार ९ गतेबाट सकिएपछि सरकारले १८ औँ सदस्य सचिवका रुपमा सिलवाललाई नियुक्त गरेको हो ।
राखेपको सदस्य सचिव बन्न विष्टसहित उपाध्यक्ष पीताम्बर तिमल्सिना, स्वयम्भुराज डंगोल, मीना श्रेष्ठ, दानबहादुर तामाङ, सुदिल शाही, गोविन्द शाहीलगायत लविङमा थिए ।