अन्तराष्ट्रिय क्रिकेट काउन्सिल आईसीसीले शुक्रबारदेखि सुरु हुन् लागेको टि २० विश्वकपको छनौटमा म्याच फिक्सिंङ हुन् लागेको खुलासा गरेको छ । आईसीसीले युएईले त्यस प्रतियोगितामा फिक्सिंङ गर्न लागेको खुलासा गर्दै युएईका कप्तान सहित ३ खेलाडीलाई निलम्बन गरेको छ । आईसीसीले कप्तान मोहम्मद नाभिद र टोलीक सिनियर खेलाडी शैमान अन्वार, र कादर एहमदलाई निलम्बन गरेको हो ।
ईएसपीएन क्रिक इन्फोका अनुसार उनीहरुले प्रतियोगितामा २ लाख ७२ हजार डलरसम्मको फिक्सिङको योजना बनाएका थिए । जुन नेपाली रुपैयाँ ३ करोड भन्दा बढी हो । उनीहरुले कम्तिमा ३ खेलमा सेसनदेखि खेलको नतिजा नै फिक्स गर्ने तयारी गरेका थिए । आईसीसीले यो खेलाडीहरुलाई गत अप्रिल देखि निगरानीमा राखेको र थप अनुसन्धान जारि रहेको बताएको छ ।
टि २० विश्वकप छनौट शुक्रबार देखि युएई मै हुदै छ । प्रतियोगितामा १७ टोलीले सहभागिता जनाउदै छन् । जस मध्ये उत्कृष्ट ६ टोलीले टि २० विश्वकपमा सहभागिता जनाउन पाउने छन् । यस प्रतियोगितामा युएईलाई पनि उपाधि दाबेदारको रुपमा मानिएको थियो । तर कप्तान सहित ३ खेलाडी कारबाहीमा परेपछि टोलीको यात्रामा केहि धक्का लागेको छ ।