नेपाल टेलिकमले पोखरा प्रिमियर लिग (पीपीएल) को सह–प्रायोजन गर्ने भएको छ । पीपीएलका १५ वटा लिग, एक–एकवटा क्वालिफायर र फाइनल गरी कूल १७ खेलमा सहभागी खेलाडीहरुलाई कम्पनीले सम्मान र गिफ्ट उपलब्ध गराउनेछ ।
लिगका प्रत्येक खेलका उत्कृष्ट खेलाडीहरुलाई कम्पनीले ‘नेपाल टेलिकम म्यान अफ द म्याच’ उपाधि प्रदान गर्नेछ । ती खेलाडीलाई पुरस्कारका रुपमा १२ जीबीको डाटा प्याक र नेपाल टेलिकमको नेटवर्कमा कल गर्न सकिने गरी १ हजार १ सय मिनेटको टक भ्याल्यु भएको भ्वाइस प्याक उपलब्ध गराउने टेलिकमले बताएको छ । प्रत्येक खेलका एक जना खेलाडीलाई ‘गेम चेन्जर अफ द डे’ उपाधि प्रदान गरिने र ती खेलाडीलाई १२ जीबी डाटा र ४ सय ९० मिनेट टक भ्याल्यु भएको भ्वाइस प्याक उपलब्ध गराइने पनि टेलिकमले जनाएको छ । एक जना खेलाडीलाई ‘एनटी फोरजी फास्टेस्ट बलर अफ द टुर्नामेन्ट’ उपाधि प्रदान गरिने र ती खेलाडीलाई १ सय ४४ जीबी डाटा प्याक र ५ हजार ८८० मिनेटको भ्वाइस प्याक उपलब्ध गराउने टेलिकमले जनाएको छ ।
पीपिएल मंसिर २८ गतेदेखि आगामी पुस १२ गतेसम्म चल्नेछ ।
