लेग स्पिनर सन्दीप लामिछाने ट्वान्टी–२० क्रिकेटमा सय विकेट पूरा गर्ने पहिलो नेपाली क्रिकेटर बनेका छन् । शनिबार इस्टर्न रिजन प्रतियोगिताअन्तर्गत मलेसियाविरुद्ध विकेट लिँदै सन्दीपले सय विकेट पूरा गरेका हुन् ।
शनिबार थाइल्यान्डको बैंककस्थित टेर्डथाई क्रिकेट मैदानमा भएको खेलमा सन्दीपले मलेसियाका विरनदीप जगजित सिंह र खिजर हायात दुर्रानीको विकेट लिए । सन्दीपले ७५ खेलमा १०१ विकेट लिएका छन् ।
