धनगढीमा जारी 'धनगढी प्रिमियर लिग'को समुह चरणका खेलहरु सकिएका छन् । आज समुहको चरणको अन्तिम खेलमा रुपन्देहि च्यालेन्जर्स र धनगढी टिम सौराहाबीच खेल भएको थियो । खेलमा धनगढी टिम सौराहाले शानदार जित हात मात्रै पारेन प्ले अफमा पनि छनौट भयो ।
टस जितेर ब्याटिंग रोजेको रुपन्देहि च्यालेन्जर्सले निर्धित २० ओभरमा ६ विकेटको क्षतिमा ९१ रन मात्र जोड्न सक्यो । ९२ रन्को बिजयी लक्ष्य लिएर मैदान उत्रेको धनगढी टिम सौराहाली केवल ११ ओभरमै ४ विकेटको क्षतिमा लक्ष्य भेट्टायो । सौराहाको जितमा कप्तान पारस खड्काले २१ बलमा ४२ रन जोडे ।
जित संगै सौराहा अंक सहित प्ले अफमा प्रवेश गरेको हो । १ खेल मात्र जितेको सौराहा टिमलाई प्ले अफमा पुग्न लक्ष्य १४ ओभर भित्रै भेट्टाउनु पर्ने थियो ।
कन्चनपुर् आईकोनिकको पनि समान ४ अंक भए पनि सौराहाले रन रेटको आधारमा प्ले अफमा स्थान पक्का गरेको हो ।
अब प्ले अफ चरण अन्तर्गत निम्न खेलहरु हुने छन् ।
क्वालिफयर १: आगामी बुधबार क्वालिफयर १ अन्तर्गत रुपन्देही च्यालेन्जर्स र विराटनगर किंग्स भिड्ने छन् । यस खेलको बिजेताले सिधै फाइनलमा स्थान बनाउने छ ।
एलिमिनेटर : आगामी बुधबार नै एलिमिनेटर अन्तर्गत काठमाडौँ गोल्डेनस र धनगढी टिम सौराहाबीच प्रतिस्पर्धा हुने छ । यस खेलमा पराजित हुने टोली प्रतियोगिताबाट बाहिरिने छ भने बिजेताले क्वालिफयर १ मा पराजित हुने टोलीसंग क्वालिफायार २ खेल्ने छ ।
क्वालिफायर २: बिहिबार क्वालिफायर २ अन्तर्गत क्वालिफयर १ मा पराजित हुने टोली र एलिमिनेटरमा बिजेता हुने टोलीले प्रतिस्पर्धा गर्ने छन् । बिजेता फाइनलमा प्रवेश गर्ने छ ।
फाइनल: फाइनल खेल आगामी शनिबार हुने छ । फाइनलमा क्वालिफयर १ र क्वालिफयर २ का बिजेता बीच प्रतिस्पर्धा हुने छ ।
यस्तो छ हालको अंक तालिका ।