यू- १९ बिश्वकप छनौट प्रतियोगिता अन्तर्गत आज भएको खेलमा नेपालले कठिन जित हात पारेको छ । आजको खेलमा नेपालले सिंगापुर यु १९ संग कठिन जित हात पारेको हो । आज नेपालले सिंगापुरलाई २२ रनले पराजित गरेको हो ।
टस जितेर पहिले ब्याटिंग गरेको नेपालले ४६.५ ओभरमा अल आउट हुदै १६८ रन जोड्यो । नेपालको लागि दिपेन्द्र सिंह ऐरीले अर्थाशतकीय पारी खेल्दै ५४ रन जोडे । त्यस्तै सन्दिप सुनुवारले २६, रोहित कुमार पौडेलले १५, केसी प्रकाशले २३ ले जोड्नु बाहेक अन्य खेलाडीले दोहोरो अंकको स्कोर छुन सकेनन् ।
१६९ को लक्ष्य लिएर मैदान उत्रेको सिंगापुर ४६.५ ओभरमा अल आउट हुदै १ सय ४६ रन मात्र जोड्न सक्यो । सिंगापुरबिरुद्द कप्तान सन्दिप लामिछानेले सर्बाधिक ४ विकेट लिए । त्यस्तै पवन शरफ र किशोर महतोले समान २-२ विकेट लिए। अर्थ शतिकीय पारी खेलेका ऐरीले पनि १ विकेट लिए । यो नेपालको तेस्रो जित हो ।
प्रतियोगितामा नेपाल सहित, अफगानिस्तान, मलेशिया र सिंगापुर सहभागी छन् । डबल राउण्ड रोबिन लिग आधारणमा हुने यस प्रतियोगोगितामा सबै टिमले आपसमा दुई-दुई खेल खेल्नेछन्। समुहमा शिर्ष स्थानमा रहने टोलीले मुख्य प्रतियोगितामा भाग लिन पाउने छ ।