टर्कीका राष्ट्रपतिद्वारा फ्रान्सेली सामान बहिष्कार गर्न आब्हान

बिजपाटी सम्बाददाता

बिजपाटी सम्बाददाता

Oct 26, 2020 | 09:13:20 PM मा प्रकाशित

टर्कीका राष्ट्रपति रेसेप तईप एर्दोगानले फ्रान्सेली सामानहरु ब्यापक रुपमा बहिष्कार गर्न आब्हान गरेका छन्। टर्कीका नागरिकलाई सम्बोधन गर्दै एर्दोगानले  फ्रान्सेली सामान किन्ने जो कोहीलाई कडा कारबाही गर्ने चेतावनी समेत दिएका छन्। 

फ्रान्सका एक शिक्षकको हत्यापछि राष्ट्रपती इमानुएल मैक्रानले दिएको प्रतिकृया पश्चात एर्दोगानले यस्तो आब्हान गरेका हुन्।  राष्ट्रपती मैक्रानले आफ्नो सम्बोधनमा कट्टरपन्थी इस्लामको आलोचना गरेका थिए भने शिक्षकको हत्यालाई इस्लामिक आतंकवादी आक्रमणको संज्ञा दिएका थिए। फ्रान्सका राष्ट्रपतिको यस प्रकारको सम्बोधन पश्चात कयौं मुस्लिम देशहरुले फ्रान्सका सामानहरु बहिष्कार गर्न सुरु गरेका छन। 

कतार लगायतका अरब राष्ट्रहरुमा फ्रान्सेली सामान बहिष्कार अभियान

कुवेत, जोडन र कतारका केहि पसलमा फ्रान्सका सामान हटाइएका छन् भने लिबिया, सिरिया र प्यालेस्टाइनको गाँजामा फ्रान्सको विरोधमा प्रदशन भएको छ। बहिष्कारको कुरा अल्प संख्यकको रुपमा रहेका मुस्लिम समुदायको एउटा सानो कट्टरपन्थी समुहले गरेको फ्रान्सको विदेश मन्त्रालयको दाबि छ। 

यो विरोध पैगम्बर मोहम्मदको विवादित कार्टुन कक्षाकोठामा देखाएका एक शिक्षकको हत्या पश्चात राष्ट्रपति मैक्रानको प्रतिकृयालाई लिएर भएको हो। मैक्रानले कुनै एउटा समुदायको भावनाका कारण बोल्न पाउने स्वतन्त्रतामाथि लगाम लगाउन नसकिने अभिव्यक्ति दिंदै आएका छन्।  फ्रान्सका राष्ट्रपति मैक्रानले धर्मनिरेपक्ष फ्रान्सको एकतालाई यो घटनाले कमजोर बनाइदिने चिन्ता व्यक्त गरेका छन्। 

राष्ट्रपति मैक्रानले यस महिनाको सुरुवातमा शिक्षकको हत्या भन्दा पहिले नै फ्रान्समा इस्लाम धर्मावलम्बीलाई नियन्त्रणमा राख्न एक कडा कानुन बनाउने घोषणा गरेका थिए। उनले फ्रान्सका ६० लाख मुस्लिम समुदाय समाजको मुख्यधाराबाट बाहिरिने अभिव्यक्ति व्यक्त गर्दै इस्लामलाई संकटमा रहेको धर्म भनेका थिए। 

मैक्रानको उक्त घोषणा र पछिल्लो अभिव्यक्तिले उनको विश्वभर आलोचना हुन् थालेको छ। टर्की र पाकिस्तानले मैक्रानमाथि आस्थाको स्वतन्त्रताको सम्मान गर्न नसकेको आरोप लगाएका छन्। 

आइतबार मात्रै टर्कीका राष्ट्रपति रेसेप तईप एर्दोगानले फ्रान्सका राष्ट्रपति इमैनुएल मैक्रॉनमाथि मानसिक सन्तुलन गुमाएको आरोप लगाएका थिए। त्यस्तै एर्दोगानले राष्ट्रपति मैक्रानलाई मानसिक परिक्षण गर्नलाई समेत सुझाव दिएका थिए। 

फ्रान्सका सामान बहिष्कारको असर 

आइतबार जोडन, कतार र कुवेत लगायतका मुस्लिम बाहुल्य राष्ट्रहरुले सुपर मार्केट तथा मार्टहरुमा फ्रान्सका समानहरु हटाईसकेका छन्। फ्रान्समा बनेको हेयर आर ब्युटी प्रोडक्ट विरोध गर्ने देशको मार्टमा उपलब्ध हुन् छाडेका छन। 

कुवेतको एक ठुलो खुद्रा सामानको युनियनले फ्रान्सका सामानहरु बहिष्कार गर्नलाई निर्देशन दिएको छ।  उपभोक्ता सहकारी समितिका गैर सरकारी संघले पैगम्बर मोहम्मदलाई पटक पटक अपमान गर्ने फ्रान्सलाई जवाफ दिनुपर्ने भन्दै फ्रान्सका सामान बहिष्कार गर्न निर्देशन दिएको छ। 

साउदी अरबमा पनि सामाजिक संजाल मार्फत फ्रान्सका सामानहरु बहिष्कारको अभियान थालिएको छ। अरब मुलुकहरुमा सबै भन्दा ठुलो अर्थ व्यवस्था रहेको साउदी अरबमा फ्रान्सका सुपरमार्क्त चेन कैरेफोरलाई बहिष्कार गर्नुपर्ने माग हैस ट्यागको दोस्रो स्थानमा रहेको छ।  

मानसिक सन्तुलनमाथि प्रश्न गरेपछि टर्की र फ्रान्सको विवाद उत्कर्षमा

टर्कीका राष्ट्रपति रेसेप तईप एर्दोगानले फ्रान्सका राष्ट्रपति इमैनुएल मैक्रॉनमाथि फेरी एक पटक नयाँ स्वरूपले आक्रमण गरेका छन्। टर्कीका राष्ट्रपती एर्दोगानले   मुस्लिम समुदाय र इस्लाम धर्मप्रतिको सोचका लागि फ्रान्सका राष्ट्रपतीलाई मानसिक परिक्षण गर्नलाई सल्लाह दिएका छन्। 

टर्कीका राष्ट्रपतिले मानसिक परिक्षण गर्नलाई सुझाव दिए लगत्तै फ्रान्सले टर्कीबाट आफ्नो राजदुतलाई फिर्ता बोलाएको छ। यस महिनाको सुरुवातमा फ्रान्सका राष्ट्रपती मैक्रानले इस्लामवादीहरुसँग लड्ने प्रतिज्ञा गरेका थिए।  

उनीबाट  यस्तो अभिव्यक्ति आएपछि पछिल्लो समय विश्व भरका मुस्लिम राष्ट्रका नेताहरुले फ्रान्सका राष्ट्रपतिको खुलेर आलोचना गरेका छन्।  आलोचना गर्ने क्रममा नै टर्कीका राष्ट्रपति एर्दोगानले फ्रान्सका राष्ट्रपतिको बिरुद्दमा कडा अभिव्यक्ति दिएका हुन्। 

उनले टर्कीमा भएको एक कार्यक्रममा भनेका छन्, ुमुस्लिम र इस्लामसँग मैक्रान भनिने यी व्यक्तिको समस्या के हो रु मैक्रानलाई मानसिक रुपमा उपचारको खाँचो छ। जसले आस्थाको स्वतन्त्रतालाई बुझ्न सक्दैन, एउटा राज्य प्रमुखलाई यो भन्दा के भन्न सकिन्छ। जो आफ्नो देशमा रहेका लाखौँ नागरिकलाई फरक आस्था भएकै कारण खुलेआम यस्तो व्यवहार गर्छन।ु

२००२ को एक राजनीतिक संकट र आर्थिक मन्दीका विच एर्दोगान र उनको कन्जरभेटिभ पार्टी एके पार्टीले पछिल्लो १८ बर्षदेखि टर्कीमा शासन गरिरहेका छन्। ७ करोड ५० लाख जनसंख्या भएको टर्कीलाई एर्दोगानले आफ्नो कार्यकालको १८ बर्षमा धेरै कुरामा सुधार गरेका छन्।

यस महिनाको सुरुवातमा एक इतिहास शिक्षकको हत्या पछि फ्रान्समा धार्मिक विवाद देखिएको छ।  ति शिक्षकले मुस्लिमहरुले अन्तिम दुत अर्थात पैगम्बर मान्ने पैगम्बर मोहम्मदको कार्टुन देखाएकाले एक बिद्यार्थीले उनको हत्या गरेको फ्रान्सको आरोप छ। विश्वभरका मुस्लिम समुदायहरुले पैगम्बर मोहम्मदको कुनै पनि तस्विर वा आकार बनाएको प्रति कडा रुपमा प्रतिकार गर्ने गर्दछन। 

मैक्रानले यस महिनामा पनि विश्वभर इस्लामले संकट सिर्जना गरेको आरोप लगाएका थिए। यति मात्र नभई उनले आफ्नो सरकारले सन् १९०५ को कानुनलाई मजबुत गर्नलाई बिधेयक पेश गर्ने घोषणा गरेका थिए। उक्त बिधेयकले आधिकारिक रुपमा फ्रान्समा चर्च र राज्यलाई अलग गर्नेछ।  

फ्रान्स र उसको नाटो सहयोगी पूर्वी भूमध्य सागर, लिबिया, सिरियाका समुन्द्री अधिकारिहरु र हालैमा अर्मानिया र अजरबैजानबीच बढ्दो संघर्ष सहित कयौं मुद्दामा धेरै पछाडी सोचेर अगाडी बढिरहेका छन्। 

एर्दोगान र मैक्रानले पछिल्लो महिना एक फोन कल मार्फत आफ्नो असहमतीमा चर्चा गर्ने र सबंधलाई सुधार तथा सम्बादलाई खुला राख्नलाई सहमती हुने विषयमा सहमत भएका थिए। 

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved