पूर्व अर्थमन्त्री मञ्चले सरकारलाई अन्तरिम बजेट ल्याउन सुझाव दिएको छ । सरकार कामचलाउ भएकाले पूर्ण बजेट ल्याउन नमिल्ने भन्दै पूर्व अर्थमन्त्रीहरुको समूह पूर्व अर्थमन्त्री मञ्चले सरकारलाई अन्तरिम बजेट ल्याउन सुझाब दिएको हो ।
बहुमतको सरकार नभएको, सरकार कामचलाउ अवस्थामा रहेको, संसद पुनःस्थापनाको मुद्दा सर्वोच्च अदालतमा विचाराधीन रहेको लगायतका अवस्था देखाउँदै मञ्चले वर्तमान सरकारले पूर्ण बजेट ल्याउन नमिल्ने उल्लेख गरेको हो ।
बुधबार बसेको मञ्चको बैठकमा पूर्वअर्थमन्त्रीहरू डा. प्रकाशचन्द्र लोहनी, डा. रामशरण महत, कृष्णबहादुर महरा, सुरेन्द्र पान्डे र वर्षमान पुन सहभागी थिए । बैठकपछि जारी भएको प्रेस विज्ञप्तिमा नियमित खर्च धान्ने गरी अन्तरिम बजेट ल्याउन भनिएको छ ।
बजेटले कोरोनाविरुद्धको खोप खरिदको विषयलाई पहिलो प्राथमिकता दिनुपर्ने मञ्चको जोड ।
