सरकारले स्वास्थ्य मन्त्रालयको बजेट बढाएको छ । आर्थिक वर्ष ७८/७९ को बजेट सार्वजनिक गर्दै अर्थमन्त्री विष्णु पौडेलले स्वास्थ्य मन्त्रालयको बजेट बढाएको बताएका हुन् ।
उनले स्वास्थ्य मन्त्रालयलाई १ खर्ब २२ अर्ब ७७ करोड बिनियोजन गरेको बताएका हुन् । त्यस्तै उनले कोरोना खोपको लागि २६ अर्ब ७५ करोड बिनियोजन गरेको बताएका हुन् ।
उनले सबै नागरिकलाई निशुल्क खोप लगाईने बताएका छन् । उनले कोरोना नियन्त्रण तथा रोकथामको लागि ३७ अर्ब ५३ करोड बिनियोजन गरेको बताएका छन् ।
उनले अक्सिजन प्लान्ट स्थापना गर्न आवश्यक उपकरण खरिद गर्दा लाग्ने भन्सार शुल्क छुट दिएको बताएका छन् । उनले सय शैया सम्मका सबै अस्पतालले अक्सिजन प्लान्ट स्थापना गर्नुपर्ने व्यवस्था गरिएको बताएका छन् ।
