एशियन लाईफले ल्यायो भविष्य निधी सावधिक जीवन बीमा योजना, यस्ता छन् विशेषता

बिजपाटी संवाददाता

बिजपाटी संवाददाता

Jan 01, 2023 | 07:42:11 PM मा प्रकाशित

laxmi  sunrise bank

 एशियन लाईफ इन्स्योरेन्स कम्पनीले  “भविष्य निधी (सावधिक)” जीवन बीमा योजना प्रचलनमा ल्याएको छ । कम्पनीका संचालक समिति अध्यक्ष दिपक कुमार श्रेष्ठ, संचालक समिति सदस्यहरु सुरेन्द्र गोयल, निष्ठा प्रधानाङ, सजल मास्के, अच्युतराज सापकोटा, प्रमुख कार्यकारी अधिकृत दिनेश लाल श्रेष्ठ, नायब प्रमुख कार्यकारी अधिकृत होम बहादुर श्रेष्ठ र का.मु. नायब प्रमुख कार्यकारी अधिकृत मुरारी राज हुमागाईं, डेप्युटी मार्केटिङ हेड विजय पराजुलीले संयुक्तरुपमा नयाँ जीवन बीमा योजना सार्वजनिक गरेका हुन् ।

कम्पनीका अनुसार यस योजनामा बीमितले रु. १ लाखदेखि आय श्रोतको आधारमा जतिसुकै रकमको बीमाङ्क रोज्न सक्ने सुविधा छ । पाँचदेखि ३० वर्षे अवधिसम्मको लागी बीमा गर्न सकिने र बीमा अवधिको समाप्तीपछि बीमाङ्क रकम र बोनश एकमुष्ठ भुक्तानी गरिनेछ ।

यो बीमा योजनामा जोखिम बहनको गोल्डेन अप्शन रोजेको अवस्थामा बीमा प्रारम्भ भएको मितिबाट ३ वर्षपछि बीमितको निधन भएमा बीमाङ्कको डेढ गुणा रकम र नियमानुसारको बोनश भुक्तानी गरिने कम्पनीले उल्लेख गरेको छ  । त्यसैगरी डायमण्ड अप्शन रोजेको अवस्थामा बीमा अवधि प्रारम्भ भएको मितिबाट ३ वर्षपछि बीमितको निधन भएमा बीमाङ्कको डेढ गुणा रकम र पाँचं वर्षपछि निधन भएमा दुई गुणा रकम र नियमानुसारको बोनश रकम एकमुष्ठ भुक्तानी गरिने कम्पनीले जनाएको छ । यसबाहेक अग्रिम जोखिम बहन सुविधा रोजेको अवस्थामा गोल्डेन र डायमण्ड अप्शन दुबैमा बीमा प्रारम्भ मितिबाट नै जोखिम बहन शुरु हुनेछ ।

कम्पनीका अनुसार बीमितले गोल्डेन वा डायमण्ड अप्शनको साथै दुर्घटना मृत्यु लाभ, स्थायी अपाङ्गता सुविधा, बीमाशुल्क छुट सुविधाको साथै १८ प्रकारका घातक रोगविरुद्धको रक्षावरण(क्रिटिकल केयर) समेत समावेश गर्न सक्ने सुविधा छ । यसबाहेक तोकिएको अवधि पुरा हुनुभन्दा अगाडी बीमितलाई रकम खाँचो परेको अवस्थामा तीन वर्षको बीमाशुल्क भुक्तानी गरी बीमा प्रारम्भ भएको मितिबाट ३ वर्ष पुरा भएपछि बीमालेखको धितोमा कर्जा सुविधा समेत लिन सकिने कम्पनीले जनाएको छ । 

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved