नेपाल बीमा प्राधिकरणका अध्यक्ष सूर्यप्रसाद
सिलवालले कारोवार कम भए पनि बीमाप्रतिको विश्वसनीयता कायम हुनेगरी बीमा व्यवसाय
गर्न बीमा कम्पनीहरुलाई निर्देशन दिएका छन्
नेपाल बीमा प्राधिकरणले मधेश प्रदेशमा आयोजना गरेको
बीमकका प्रदेश तथा शाखा कार्यालयका प्रमुख र कर्मचारीहरुसँग भएको
अन्तरक्रिया कार्यक्रम सम्बोधन गर्दै अध्यक्ष सिलवालले बीमालेख नवीकरणमा विशेष
ध्यान दिन निर्देशन दिएका थिए ।
उनले “मधेश प्रदेशमा बीमाको पहुँच ८ प्रतिशत
मात्र छ । मधेशमा बीमाको पहुँच बढाउन बीमा कम्पनीहरु नयाँ ढङ्गले अगाडि बढ्नु
पर्ने बताउदै योग्य र दक्ष बीमा अभिकर्ताका माध्यमबाट बीमा व्यवसाय गर्नाले
बीमाको पहुँच बढ्छ। बीमा गरेपछि विपन्न परिवारले क्षतिको क्षतिपूर्ति बीमा कम्पनीबाट
पाउँछन्, मिटरब्याजीकोमा जानु
पर्दैन । तसर्थ, बीमाले मिटरब्याजीलाई निरुत्साहित गर्छ ।”
अध्यक्ष सिलवालले भने “बीमा कम्पनीका प्रमुख कार्यकारी अधिकृत, प्रदेश प्रमुख र शाखा प्रमुखहरुले नयाँ
बीमालेख र बीमाशुल्कमा मात्र ध्यान दिनु भएन, बीमालेख नवीकरणमा पनि ध्यान दिएर ल्याप्स
र सरेण्डरको अवस्था आउन नदिने गरी काम गर्नुप¥यो ।”
नेपाल बीमा प्राधिकरणका कार्यकारी निर्देशक राजुरमण पौडेलले बीमा दाबी भुक्तानीलाई छिटोछरितो बनाउन र अस्वस्थ प्रतिस्पर्धा नगर्न बीमा कम्पनीहरुलाई निर्देशन दिएका थिए ।
