कार्तिक महिनामा पोलिसि सरेण्डरको संख्या घटेको छ । असोज महिनाको तुलनामा कार्तिक महिनामा ३ हजार ८ सय ४५ वटा पोलिसि सरेण्डरको कम भएको हो ।
असोजमा एक अर्ब १८ करोड २९ लाख रुपैयाँ बराबरको ९ हजार ९३६ वटा पोलिसि सरेण्डर भएको थियो । कार्तिक महिनामा ७९ करोड ४९ लाख रुपैयाँ बराबरको ६ हजार ९१ वटा पोलिसि सरेण्डर भएको हो ।
कार्तिक महिनामा सबैभन्दा धेरै नेपाल लाईफ ईन्स्योरेन्सको पोलिसि सरेण्डर भएको छ । यो कम्पनीको यो एक महिनामा २६ करोड ४३ लाख रुपैयाँको १ हजार ७७७ वटा पोलिसि सरेण्डर भएको छ । त्यसैगरी, लाईफ ईन्स्योरेन्स कर्पाेरेशनको १७ करोड ४५ लाख रुपैयाँ बराबरको १ हजार १५५ वटा पोलिसि सरेण्डर भएको हो।
यसैगरी, एशियन लाईफको १२ करोड १९ लाख रुपैयाँ बराबरको ९८७ वटा पोलिसि र नेशनल लाईफ ईन्स्योरेन्सको ६ करोड ३३ लाख रुपैयाँ बराबरको ३९१ वटा पोलिसि सरेण्डर भएको छ।
