स्टार माइक्रो ईन्स्योरेन्सले पनि कारोबार सुरु गरेको छ । कम्पनीले मसिंर १५ गतेदेखि पोलिसी बिक्री गर्न सुरु गरेको हो ।
पौषको मसान्तसम्म कम्पनीले २ हजार ७ सय बटा पोलिसी बिक्री गरेको कम्पनीका सिनियर जनरल म्यानेजर दिपेन्द्र राज गौतमले जानकारी दिए । उनका अनुसार कम्पनीले हालसम्म ५० लाख रुपैयाँ बढी बीमाशुल्क संकलन गरेको छ । कम्पनीमा सम्पत्ती बीमा, भेहिकल बीमा, कृषि बीमा र दुर्घटना बीमा गर्न सकिन्छ ।
आगामी दिनमा थप आक्रामक रुपमा व्यवसाय प्रवद्धन गर्दै अघि बढ्ने कम्पनीको योजना रहेको सिनियर जनरल म्यानेजर गौतमले जानकारी दिए । उनका अनुसार यो कम्पनीले हालसम्म १० भन्दा बढी शाखा कार्यालय स्थापना गरी सकेको छ ।
यस कम्पनीले नेपाल बीमा प्राधिकरणबाट लघु निर्जीवन बीमा व्यवसायका लागि लाईसेन्स पाएको हो । कम्पनीलाई प्राधिकरणले मधेश प्रदेशमा मुख्य कार्यलय स्थापना गर्नेगरी अनुमति दिएको हो ।
