ईन्स्योरेन्स ईन्स्टीच्युट अफ नेपाल(आईआईएन)को अध्यक्षमा राजुरमण पौडेल दोहोरिएका छन् । नेपाल बीमा प्राधिकरणका प्रवक्ता तथा कार्यकारी निर्देशक समेत रहेका पौडेल दोस्रो कार्यकालका लागि आईआईएनको अध्यक्ष चयन भएका हुन् ।
आईआईएनको गत पौष २७ गते बसेको संचालक समिति बोर्डको बैठकले उनलाई अध्यक्ष चयन गरेको हो । बोर्डको सञ्चालकहरुमा नेपाल पुनर्बीमा कम्पनीका निमित्त प्रमुख कार्यकारी अधिकृत (सीईओ) दामोदर भडारी र सिटिजन्स लाईफका सीईओ पोषकराज पौडेल थपिएका छन् ।
शिखर ईन्स्योरेन्सका सीईओ दिप प्रकाश पाण्डे तथा मेट लाईफका सीईओ निर्मलकाजी श्रेष्ठ सञ्चालकमा दोहोरिएका छन् । आईआईएनमा सञ्चालकहरु निर्विरोध चयन भएका थिए ।
