सानिमा रिलायन्स लाइफ इन्स्योरेन्समा ६ जना संचालक निर्विरोध चयन हुने भएका छन् । कम्पनीले बुधबार सार्वजनिक गरेको उम्मेदवारकोे अन्तिम नामावली अनुसार उनीहरु कम्पनीमा ६ संचालक निर्विरोध हुने भएका हुन् ।
कम्पनीले संस्थागत शेयरधनीहरुबाट ४ जना र सर्वसाधारण शेयरधनीहरुबाट २ जना गरि कुल ६ जना संचालकको लागि उम्मेदवारी दिन आग्रह गरेको थियो। ६ जनाको मात्र उम्मेदवारी परेकोले उनीहरु निर्विरोध संचालक चयन हुने भएका हुन् ।
संस्थागत शेयरधनीहरुबाट सुवर्ण दास श्रेष्ठ, भरत कुमार तोदी, कुमार प्रसाद कोइराला र रतनलाल केडियाले उम्मेदवारी दिएका छन् । जसमध्ये श्रेष्ठ र तोदी हाल पनि संचालक छन् । यसैगरी, सर्वसाधारण तर्फबाट केशव राज केसी र परिक्षित खेमकाले उम्मेदवारी दिएका छन् ।
कम्पनीको बिहिबार हुने वार्षिक साधारणसभाले संचालकहरुको अनुमोदन गर्ने छ ।