चालु आर्थिक वर्षको ८ महिनामा लघु जीवन बीमा कम्पनीहरुले करिब ६ करोड रुपैयाँ बराबरको ब्यापार गरेका छन् । चालु आवको फागुन मसान्तसम्म ३ लघु जीवन बीमकले ५ करोड ८९ लाख रुपैयाँ बढीको ब्यापार गरेका हुन् ।
३ लघु जीवन बीमा कम्पनी मध्ये क्रेष्ट माईक्रो लाईफले ३ करोड ६१ लख, गार्डियन माईक्रो लाईफले १ करोड ५९ लाख र लिवर्टी माईक्रो लाईफले ६९ लाख रुपैयाँ बराबरको ब्यापार गरेको छ ।
हालसम्म यी ३ कम्पनीले २७ हजार २४७ वटा पोलिसि विक्री गरेका छन् । क्रेष्टले १६ हजार ४८ वटा पोलिसि बेच्दा गार्डियनले ९ हजार ४१२ र लिवर्टीले १ हजार ७८७ वटा पोलिसि विक्री गरेको नेपाल बीमा प्राधिकरणले जनाएको छ ।
लघु जीवन बीमक कम्पनीहरुले फागुन महिनामा मात्र ६ हजार ४२९ वटा पोलिसि बेचेका छन् भने फागुन महिनामा १ करोड ६७ लाख कुल बीमाशुल्क संकलन गरेका छन् ।
माघ महिनाको तुलनामा फागुनमा लघु जीवन बीमकको व्यवसाय ३ लाख रुपैयाँले घटेको छ । यी कम्पनीले माघ महिनामा १ करोड ७० लाख रुपैयाँ कुल बीमाशुल्क संकल गरेका थिए । माघ महिनाको तुलनामा फागुनमा ३५४ वटा कम पोलसी बिक्री भएको छ । माघमा ६ हजार ७८३ वटा पोलिसि विक्री भएको थियो ।
