एनआईसी एशिया क्यापिटलको चौथो वार्षिक साधारणसभा भदौ १८ गते हुने भएको छ । उक्त साधारणसभा क्यापिटलको रजिष्टर्ड कार्यालय थापाथली, काठमाडौंमा बिहान ९ बजे हुने एनआइसि क्यापिटलले जानकारी दिएको छ । कम्पनीको साउन २६ गते बसेको सञ्चालक समितिको बैठकले सो साधारण सभा गर्ने निर्णय गरेको हो ।
सभाले प्रस्ताव गरेको चुक्ता पूँजीको १८ प्रतिशत नगद लाभांश (कर सहित) वितरण गर्ने प्रस्ताव पारीत गर्नेछ । साथै सभाले आव २०७६/ ७७ को वार्षिक प्रतिवेदन छलफल गरी पारीत गर्ने रहेको छ ।
