उखुको बक्यौता रकम भुक्तानी नगर्ने अन्नपूर्ण तथा इन्दिरा चिनी मिलका सञ्चालक राकेश अग्रवाललाई प्रक्राउ परेका छन् । नेपाल प्रहरीले जिल्ला प्रहरी कार्यालय सलार्हीको पत्रका आधारमा अग्रवाललाई बुधबार साँझ त्रिपुरेश्वरस्थीत निवासवाट प्रक्राउ गरिएकाे जनाएकाे छ ।
नेपाल प्रहरीका केन्द्रीय प्रहरी प्रवक्ता बसन्तबहादुर कुँबर बुधबार प्रक्राउ गरिएको अग्रवाललाई आज सलार्ही पठाइएको बताउँछन् । उखु किसानले दिएको जाहेरीका आधारमा अग्रवालाई प्रक्राउ गरिएको हाे ।
गृह मन्त्रालयको तथ्यांक अनुसार सर्लाहीमा रहेको अन्नपूर्ण सुगर मिलको १७ करोड र नवलपरासीमा रहेको इन्दिरा सुगर मिलको ४ करोड ७० लाख बक्यौरा रकम रहेको छ । जसमा अन्नपूर्णले १२ करोड ६३ लाख र इन्दिराले ८३ लाख बक्यौता रकम भुक्तानी गरिसकेका छन् ।
यसअघि बक्यौता रकम भुक्तानी नगरेको भन्दै लुम्बिनी चिनी मिलका सञ्चालक मनोज अग्रवालाई वीरगन्जबाट प्रक्राउ गरिएको थियो ।
