.gif)
नाडा अटोमोबाइल्स डिलर्स एसोसियसनले प्रधानमन्त्री शेर बहादुर देउवासँग भेट गरेको छ । उपाध्यक्ष करण चौधरीको नेतृत्वमा गएको गएको ७ सदस्यीय नाडा प्रतिनिधि मण्डलले प्रधानमन्त्री देउवालाई भेटी कार्यकाल सफलताको कामना गर्दै अटो व्यवसायीका समस्या पनि राखेको छ ।
बन्दाबन्दीको कारण अटोमोवाइल क्षेत्र नै धरापमा परेको र यसलाई पुनः गतिशिल अवस्थामा पु¥याउन सरकारबाट विशेष पहलको अपेक्षा आफूहरुले गरेको नाडा प्रतिनिधि मण्डलले प्रधानमन्त्री समक्ष भनेको छ ।
भेटघाटमा केन्द्रीय कार्य समिति सदस्य एवम् सार्वजनिक सवारी साधन समिति तथा सडक शुरक्षा तथा वातावरण समितिका सभापति राजनबानु श्रेष्ठले लामो बन्दाबन्दीका कारण बस, मिनिबस र माइक्रोबस व्यवसायीहरु ठूलो मर्कामा परेकोले उनीहरुको राहतका लागि सरकारले अन्य व्यवसायीहरुलाई उपलब्ध गराउदै आएको जस्तै आर्थिक राहत दिनुपर्ने माग गरे ।
उनले बन तथा वातावरण मन्त्रालयले जीप, कार भ्यान र मोटरसाइकलमा युरो–६/बीएस–५ लागु गर्न लागेको विषय सराहनिय भए पनि त्यसको कार्यान्वयनका लागि व्यवसायीहरुलाई पर्याप्त समय उपलब्ध गराउनुपर्ने पनि बताए ।
नाडाका अर्का उपाध्यक्ष आकाश गोल्छा, सचिव अनुप बराल, सहकोषाध्यक्ष विक्रम सिंहानिया, केन्द्रीय सदस्य दिपक अग्रवाल र एशोसिएशन सचिव सुरेन्द्र प्रधान पनि उपस्थित थिए ।
.gif)
