केटिएम–७९० ड्युकको बुकिङ खुलेको छ। नेपालका लागि केटिएम बाइकको आधिकारिक वितरक हन्सराज हुलासचन्द प्रा.ली.ले केटिएम–७९० ड्युकको बुकिङ खुल्ला गरेको हो ।
भारतमा गत वर्ष नै बुकिङ सुरु भएपनि नेपालमा भने एक वर्ष ढिलो गरी बुकिङ सुरु भएको हो । नेपालमा राम्रो बजार पाउनेमा कम्पनी विश्वस्त छ ।
७९९ सिसी डिस्प्लेस्मेन्ट भएको यो बाइकमा लिक्विड–कुल्ड, प्यारालल ट्विन मोटर इन्जिन जडित छ । जसले ९ हजार आरपिएममा १०४।६ पिएस पावर र ८ हजार आरपिएममा ८७ एनएम टर्क जेनेरेट गर्छ । बाइकमा ६ स्पिड गियरबक्स रहेको छ। यसमा ट्युबलेस टायर रहको छ भने डिस्क ब्रेक पाइन्छ।
स्पोर्टी लुक्स भएको केटिएम ७९० ड्युकमा पूर्ण डिजिटल इन्स्ट्रुमेन्ट क्लस्टर, एलइडी हेडलाइट, टेललाइटलगायत विशेषताहरू छन्। बाइकलाई स्पोर्ट, स्ट्रिट, रेन र ट्रयाक गरेर चार विभिन्न मोडमा चलाउन सकिन्छ।
कम्पनीले यसको मूल्य २३ लाख ९९ हजार रुपैयाँ तोकेको छ।