कोरोना भाइरसको नयाँ भेरियन्ट ‘ओम्रिकोन’ को जोखिम बढिरहेको भएपनि अन्तराष्ट्रिय हवाई यातायात संगठन (आयटा)ले आफ्ना सदस्यहरुलाई हवाई यातायात बन्द नगर्न निर्देशन दिएको छ ।
विश्व स्वास्थ्य संगठनले जारी गरेको स्वास्थ्य सुरक्षा मापदण्ड पालना गर्दै उडान गर्न निर्देशन दिँदै आयटाले हवाई यातायात बन्द नगर्न भनेको हो ।
‘हवाई यातायात सेवा रोकेर मात्रै ओमिक्रोनको संक्रमण दर घट्ने होइन, यदि जोखिम देखाएर हवाई यातायात बन्द गरियो भने यसले मानवीय जीवन र जीविकोपार्जनमा प्रभाव पर्ने देखिन्छ’ आयटाले विज्ञप्ति जारी गर्दै भनेको छ, ‘विश्वका सबै मुलुकले स्वास्थ्य सुरक्षाका मापदण्ड पालना गर्दै ओम्रिकोन फैलन नदिन सचेतना अपनाउन जरुरी छ ।’
आयटाले ‘मल्टी लेयर रिस्क म्यानेजमेन्ट स्टार्टेजी’ लागू गर्ने पनि प्रतिबद्धता जनाएको छ ।
