नेपाल राष्ट्र बैंकले बैंक तथा वित्तीय संस्थाहरुसंगको छलफललाई तिब्रता दिएको छ । अहिले बाणिज्य बैंकका अध्यक्ष र सीइओसंग छलफल गरिरहेको राष्ट्र बैंकले दिउँसो विकास बैंकका अध्यक्ष र सीइओसंग छलफल गर्न लागेको हो । राष्ट्र बैंकले विकास बैंकका सीइओ र अध्यक्षलाई १ बजे होटेल याक एण्ड यतिमा डाकेको छ । त्यस्तै अपरान्ह ४ बजे फाइनान्स कम्पनीका सीइओ र अध्यक्षहरुलाई राष्ट्र बैंकले छलफलको लागि बोलाएको छ ।
राष्ट्र बैंकले मौद्रिक नीतिको बारेमा छलफल गर्न उनीहरुलाई बोलाएको हो । स्रोतका अनुसार छलफलमा राष्ट्र बैंकले मर्जरबारे बैंक तथा वित्तीय संस्थाको धारणा माग्ने छ । यदी उनीहरु स्वेच्छिक मर्जरमा जान तयार रहे राष्ट्र बैंकले केहि सहुलियत दिने गरी मौद्रिक नीति ल्याउने बुझिएको छ । तर स्वेच्छाले मर्जमा जान नचाहे राष्ट्र बैंकले फोर्स मर्जरको प्रावधानसहित मौद्रिक ल्याउने श्रोतले जनाएको छ । आजको छलफलमा राष्ट्र बैंकले बैंक तथा वित्तीय संस्थालाई मर्जमा जान 'कन्भिन्स' गर्ने श्रोत बताउछ ।
यो पनि :
राष्ट्र बैंकले अध्यक्ष र सीइओ डाकेको छलफलमा जे देखियो (फोटोफिचर)