सिद्धार्थ बैंक Siddhartha Bank Limited ले वीरगंज स्थित मुर्लीचौकमा नयाँ शाखा संचालनमा ल्याएको छ । शाखाको उद्घाटन नेपाल राष्ट्र बैंक वीरगंज शाखाका कायम मुकायम निर्देशक सुरेश शिवाकोटी र बैंकका सञ्चालक राजेश कुमार केडियाले संयुक्त रुपमा गरेका हुन् ।
यस शाखा गत २०७५ चैत्र १० गते देखि नै स्थापना गरी कारोबार गर्दै आए पनि हाल औपचारिक उद्घाटन भएको हो ।
बैंकले देशभर ४ एक्स्टेन्सन् काउन्टर सहित १७५ वटा शाखा, १०१ शाखा रहित बैंकिङ्ग सेवा, १९५ एटिएम र १,६०० भन्दा बढी पीओएस मेसिन मार्फत् बैैकिङ्ग सेवा प्रदान गर्दै आएको छ ।
