ग्लोबल आइएमई बैंकले रोल्पाको लिवाङस्थित आर्मी व्यारेक परिसरमा एटिएम सेवा सुरु गरेको छ । उक्त एटिएमको सेवा खड्ग दल गण लिबाङका प्रमुख सेनानी सुधिर के.सी.ले उद्घाटन गरे ।
बैंकले जिल्लाको सातदोबाटो, खुमेल, बम्रुक लगायतका ग्राहकहरुलाई लक्षित गरी उक्त एटिएम सेवा सञ्चालनमा ल्याएको जनाएको छ । योसँगै ग्लोबल आइएमई बैंकको एटिएम संख्या २४० पुगेको छ ।
बैंकले हाल ७३ जिल्लामा २६४ शाखा, २४० एटिएम, ४७ एक्सटेन्सन काउण्टर, २४३ शाखा रहित बैंकिङ्ग सेवा र ३ अन्तर्राष्ट्रिय प्रतिनिधि÷सम्र्पक कार्यालयमार्फतसेवा प्रदान गर्दै आएको छ ।
