कुमारी बैंक Kumari Bank Limited ले ललितपुर, ग्वार्कोस्थित तरकारी तथा फलफूल बजारका व्यवसायीहरूलाई क्युआर कोड वितरण गरेको छ । मोबाइलबाटै भुक्तानी सुविधा पाउन सकिने गरी बैंकले क्युआर कोड वितरण गरेको हो । बैंकका प्रमुख कार्यकारी अधिकृत सुरेन्द्र भण्डारीको उपस्थितिमा ललितपूर महानगरपालिकाका मेयर चिरिबाबु महर्जनले क्युआर कोड हस्तान्तरण गरेका हुन् ।
नगद वा कार्डको विकल्पमा आफ्नो मोबाइल फोनबाट भुक्तानी गर्न सकिने डिजिटल प्रविधिलाई प्रवद्र्धन गर्दै कुमारी बैंक लिमिटेडले ग्राहकहरूका लागि “कुमारी स्मार्ट” नामको मोबाइल एप्लिकेसन पनि ल्याएको छ । यो एपबाट क्युआर कोड स्क्यान गरी भुक्तानी गर्न सकिनेछ ।
कुमारी बैंकले हाल १९२ शाखा, १६२ एटिएम, २२ शाखारहित बैंकिङ्ग ईकाई तथा १३ एक्सटेनसन काउन्टरबाट सेवा प्रदान गर्दै आएको छ ।