गत साता यस आर्थिक वर्ष कै धेरै कर्जा प्रवाह भएको छ । बाणिज्य बैंकहरुको छाता संगठन नेपाल बैंकर्स संघ, एनबिएका अनुसार एक सातामा ४१ अर्ब २२ करोड कर्जा प्रवाह भएको हो ।
असोज १६ गतेदेखि २२ गतेसम्मको अवधिमा सो बराबरको कर्जा प्रवाह भएको हो । अघिल्लो साता कर्जा लगानी ३९ अर्बले बढेर नयाँ रेकर्ड बनाएकोमा गत साता ४१ अर्ब बढी कर्जा लगानी भएपछि अघिल्लो साताको ३९ अर्बको रेकर्ड समेत तोडिएको हो । एनबिएका अनुसार यस अवधिमा ३७ अर्ब ३४ करोड निक्षेप संलकन भएको हो ।
असोज २२ गतेसम्म वाणिज्य बैंकहरुको कुल निक्षेप ४२ खर्ब ५५ अर्ब रहेको छ भने कर्जा प्रवाह ३९ खर्ब ८३ अर्ब रहेको छ । अघिल्लो साता अर्थात असोज १५ गतेसम्म बैंकहरुले ४२ खर्ब १८ अर्ब निक्षेप संकलन गरि ३९ खर्ब ४२ अर्ब कर्जा प्रवाह गरेका थिए ।