सिटिजन्स बैंक Citizens Bank International Limited ले कल सेन्टर सेवा संचालनमा ल्याएको छ । अब यस बैंकका ग्राहकहरुले बैंकका ग्राहक सेवा प्रतिनिधिहरुसँग सम्पर्क गरी आफ्ना बैंकिङ्ग सम्बन्धी जिज्ञासा तथा समस्याहरुको समाधान शाखामा उपस्थित नभईकन गर्न सक्नेछन् ।
ग्राहकहरूल फोन गरी तथा ईमेल गरी कल सेन्टरको सुबिधा प्राप्त गर्न सक्नेछन् । हालका लागी यो सेवा ८ घण्टाको लागी आरम्भ गरिएको छ । क्रमशस् सेवाको समयावधि पनि थप्दै लगिने योजना रहेको छ ।
सिटिजन्स बैंकले नगद रहित बंैकिङ्ग, व्यक्तिको उपस्थित बिनाको बैकिङ्ग, प्रणालिको स्व संचालनतर्फ अफूलाई अग्रगामी बनाउदै लगेको कुरा सो कार्यक्रममा उपस्थित बैंकका व्यवस्थापकहरुलाई प्रमुख कार्यकारी अधिकृत गणेश राज पोखरेलले बताए ।
बैंकले हाल १७४ शाखा, १२३ ए.टि.एम. र ९० वटा शाखा रहित बैंकिङ्ग ईकाईहरुबाट सेवा दिँदै आएको छ ।
