गत साता बैंकिंङ प्रणालीको निक्षेप स्थिर रहेको छ। भदौ महिनाको ३ गतेसम्म बाणिज्य बैंकहरुको निक्षेप ४४ खर्ब २६ अर्ब रहेकोमा भदौ १० गतेसम्ममा पनि सोहि निक्षेप कायम रहेको बैंकर्स संघले जनाएको छ ।
यस अवधिमा कर्जा प्रवाह भने २ अर्बले बढेको छ । संघका अनुसार भदौ ३ गते बैंकहरुको कर्जा प्रवाह ४१ खर्ब ७८ अर्ब रहेकोमा भदौ १० गतेसम्ममा बैंकहरुको कर्जा प्रवाह २ अर्बले बढेर ४१ खर्ब ८० अर्ब पुगेको छ । यस अवधिमा बैंकहरुको सिडी रेसियो ८८.४२ प्रतिशत रहेको संघले जनाएको छ ।
चालु आर्थिक वर्ष सुरु भएयता बैंकको निक्षेप १ खर्ब १५ अर्बले घटेको छ। असार ३२ गते बैंकहरुको निक्षेप ४५ खर्ब ४१ अर्ब रहेकोमा भदौ १० गतेसम्मको अवधिमा बैंकहरुको निक्षेप घटेर ४४ खर्ब २६ अर्ब पुगेको हो।
