राष्ट्र बैंक भन्छ, ‘२१० अर्ब सहुलियत कर्जाको सदुपयोग भएको छ कि छैन भनेर अनुसन्धान गर्दैछौँ’

बिजपाटी संवाददाता

बिजपाटी संवाददाता

Feb 10, 2023 | 11:30:51 AM मा प्रकाशित

laxmi  sunrise bank

नेपाल राष्ट्र बैंकले पुनरकर्जा र सहुलियतपूर्ण कर्जाको प्रभावकारिताबारे अध्ययन भइरहेको जनाएको छ । चालु आर्थिक वर्ष २०७९/०८० को मौद्रिक नीतिको अर्धवार्षिक समीक्षामार्फत राष्ट्र बैंकले उत्पादनमूलक क्षेत्रमा कर्जा प्रवाह बढाउने उद्देश्यले संचालनमा रहेका पुनरकर्जा सुविधा र सहुलियतपूर्ण कर्जाको सदुपयोगिता र प्रभावकारिताका सम्बन्धमा अध्ययन भइरहेको जनाएको हो ।

राष्ट्र बैंकका अनुसार नेपाल सरकारको ब्याज अनुदानमा सञ्चालित सहुलियतपूर्ण कर्जा कार्यक्रमअन्तर्गत २०७९ पुस मसान्तसम्म कुल १ लाख ४८ हजार ३ सय ४२ ऋणीलाई रु.२१० अर्ब ४५ करोड कर्जा लगानी भएको गरेको छ । 

कृषि लगायतका उत्पादनशील क्षेत्र, लघु उद्यम, निर्यात र कोभिड महामारीबाट प्रभावित क्षेत्रमा प्रवाहित कर्जालाई उपलब्ध गराइएको पुनरकर्जा सुविधा २०७९ पुस मसान्तसम्म रु.११ अर्ब ७५ करोड लगानीमा रहेको राष्ट्र बैंकले जनाएको छ । 

‘उत्पादनमूलक क्षेत्रमा कर्जा प्रवाह बढाउने उद्देश्यले संचालनमा रहेका पुनरकर्जा सुविधा र सहुलियतपूर्ण कर्जाको सदुपयोगिता र प्रभावकारिताका सम्बन्धमा अध्ययन भैरहेको छ’ राष्ट्र बैंकले भनेको छ ।

Share Your Thoughts

Recent News


Main News

TRENDING

Close in 7


Bizpati.com © 2020. All Rights Reserved