सहकारी विभागले देशभर संचालित सबै सहकारी संघ संस्थाहरुलाई अत्यावश्यक बाहेकका सबै सेवा बन्द गर्न निर्देशन दिएको छ ।
सहकारी विभागले बुधबार एक सूचना जारी गर्दै स्थानीय प्रशासनको सहयोगमा र कम जनशक्तीको प्रयोगबाट अत्यावश्यक सेवा मात्र संचालन गर्न अनुरोध गरेको हो ।
विभागले अत्यावश्यक बाहेकका सेवाहरु अवस्था सामान्य नहुन्जेल सम्म स्थगन गरि स्वास्थ्य पुर्वाधारको ब्यवस्थापनमा राज्यलाई सहयोग गर्न समेत आग्रह गरेको छ । कोरोनाको जोखिमबाट जोगाउन र क्षती न्युनिकरणमा सहयोग गर्न विभागले अनुरोध गरेको छ ।
