नेपाल र चीनबीच सह–सचिवस्तरीय व्यापार वार्ता आज हुने भएको छ । नेपालसँग ब्यापार हुने चिनियाँ नाका सहज रुपमा सञ्चालन नभइरहेको अवस्थामा ती नाकाहरु सहज सञ्चालनका सम्बन्धमा मुख्य छलफल हुने छ ।
अहिले भने चीन तिरबाट नेपाली व्यवसायीले अर्डर गरेका सामान बोकेर गाडीहरु आउन थालेका छन् । निर्वाध रुपमा सदाबहार मालबाहक सवारी चल्ने गरी नाका सञ्चालनका विषयमा आजको व्यापार वार्तामा कुराकानी हुने बताइएको छ ।
उद्योग वाणिज्य तथा आपूर्ति मन्त्रालयका प्रवक्ता नारायणप्रसाद रेग्मीका अनुसार औपचारिक रुपमा घोषणा गरेर नाका सञ्चालन गर्ने नगर्ने बारे आज वार्ता हुनेछ ।