.gif)
चालु आर्थिक वर्षको ३ महिनाको अवधिमा नेपालले ४ खर्बको सामान आयात गरेको छ । भन्सार विभागको तथ्यांक अनुसार २०७९ साउनदेखि २०७९ असोजसम्मको अवधिमा नेपालले ४ खर्ब ९९ करोड बराबरको सामान आयात गरेको हो।
अघिल्लो आर्थिक वर्षको यहि अवधिको तुलनामा आयात १६.२० प्रतिशतले घटेको हो। अधिल्लो आर्थिक वर्षको पहिलो ३ महिनामा नेपालले ४ खर्ब ७८ अर्ब बराबरको सामान आयात गरेको थियो ।
त्यस्तै चालु आर्थिक वर्षको ३ महिनामा नेपालले ४१ अर्ब ८२ करोड बराबरको सामान निर्यात गरेको छ । अघिल्लो आर्थिक वर्षको यहि अवधिको तुलनामा निर्यात ३५.७१ प्रतिशतले घटेको हो । अधिल्लो आर्थिक वर्षको पहिलो ३ महिनामा नेपालले ६५ अर्ब ५ करोड बराबरको सामान निर्यात गरेको थियो ।
चालु आर्थिक वर्षको ३ महिनामा नेपालको ब्यापार घाटा ३ खर्ब ५९ अर्ब रहेको छ । अघिल्लो आर्थिक वर्षको यहि अवधिको तुलनामा नेपालको ब्यापार घाटा १३.१३ प्रतिशतले घटेको हो । अधिल्लो आर्थिक वर्षको पहिलो ३ महिनामा नेपालको ब्यापार घाटा ४ खर्ब १३ अर्ब मात्रै थियो।
३ महिनाको अवधिमा नेपालको कुल वैदेशिक ब्यापार ४ खर्ब ४२ अर्ब रहेको छ । अघिल्लो आर्थिक वर्षको यहि अवधिको तुलनामा नेपालको वैदेशिक ब्यापार १८.५४ प्रतिसतले घटेको हो । अघिल्लो आर्थिक वर्षको यहि अवधिमा नेपालको वैदेशिक ब्यापार ५ खर्ब ४३ अर्ब रहेको थियो ।
३ महिनाको अवधिमा नेपालले डिजेल मात्र २९ अर्ब २९ करोड बराबरको आयात गरेको छ । त्यस्तै १८ अर्ब २२ करोडको पेट्रोल, १४ अर्ब ९४ करोडको खाना पकाउने ग्यास आयात गरेको छ ।
.gif)
