आन्तरिक राजस्व विभागले साउन महिनामा ४ करोड ३ लाख राजस्व संकलन गरेको छ । चालु आर्थिक वर्षको साउन महिनामा विभागले ४ करोड ३ लाख ४० हजार ३६ रुपैयाँ राजस्व उठाएको हो ।
विभागले आयकरबापत १ करोड ३२ लाख ६५ हजार २ सय, घरबहाल करबापत २ लाख २१ हजार ९६०, ब्याजबापत ६७ लाख २३ हजार ९९६ र भ्याट (आन्तरिक)मार्फत १ करोड १४ लाख ७३ हजार ५९० रुपैयाँ राजस्व संकलन गरेको हो । त्यस्तै, अन्तशुल्क (आन्तरिक)बापत ७७ लाख ८ हजार ५१०, स्वास्थ्य सेवाबापत ६ लाख ५७ हजार १६३ र शिक्षाबाट २ लाख ८९ हजार ६१७ रुपैयाँ राजस्व संकलन भएको विभागका सूचना अधिकारी राजु प्रसाद प्याकुरेलले जानकारी दिए ।
उनका अनुसार आन्तरिक राजस्व विभागले साउन महिनामा ४ करोड ९० लाख ७०२ रुपैयाँ राजस्व संकलनको लक्ष्य राखेकोमा लक्ष्यको ८२.३३ प्रतिशत राजस्व संकलन भएको हो ।