चालु आर्थिक वर्षको पहिलो महिनामा उद्योग विभागबाट झण्डै १२ अर्बको विदेशी लगानी स्वीकृत भएको छ । चालु आर्थिक वर्ष २०८०÷०८१ को पहिलो महिना साउनमा ६० वटा उद्योगमा ११ अर्ब ९३ करोड १८ लाख लगानी स्वीकृत भएको उद्योग विभागले जनाएको छ ।
यी ६० वटा उद्योगबाट ३ हजार ३०१ जनाले रोजगारी पाउने दाबी गरिएको छ ।
विदेशी लगानी स्वीकृत भएका ६० उद्योगमध्ये साना ५४, मध्यम ४ र ठूला २ वटा उद्योग छन् ।
हालसम्म उद्योग विभागबाट ५ हजार ५१९ उद्योगका लागि ४ खर्ब ६४ अर्ब ३४ करोड ७१ लाख बराबरको विदेशी लगानी स्वीकृत भएको छ ।