नेपाली विद्यार्थी अध्ययनका लागि विदेश जाँदा चालु आर्थिक वर्षको ७ महिनामा करिब ६६ अर्ब रुपैयाँ बाहिरिएको छ । यो अवधिमा अध्ययनका लागि विदेश जाँदा ६६ अर्ब ६४ करोड रुपैयाँ बाहिरिएको नेपाल राष्ट्र बैंकले जनाएको छ ।
राष्ट्र बैंकका अनुसार गत आर्थिक वर्षको सोहि अवधिमा शिक्षतर्फ ४३ अर्ब ७४ करोड बाहिरिएको थियो ।
समीक्षा अवधिमा खुद सेवा आय रु. ३७ अर्ब २६ करोडले घाटामा रहेको छ । अघिल्लो वर्षको सोही अवधिमा खुद सेवा आय रु.४४ अर्ब ३६ करोडले घाटामा रहेको थियो ।
सेवा खाताअन्तर्गत समीक्षा अवधिमा भ्रमण आय ४४.५ प्रतिशतले वृद्धि भई रु.४५ अर्ब ४० करोड पुगेको छ । अघिल्लो वर्षको सोही अवधिमा यस्तो आय रु.३१ अर्ब ४१ करोड रहेको थियो ।
समीक्षा अवधिमा सेवा खाताअन्तर्गत भ्रमण व्यय ४९.९ प्रतिशतले वृद्धि भई रु.१०४ अर्ब ७५ करोड पुगेको छ । अघिल्लो वर्षको सोही अवधिमा भ्रमण व्यय रु.६९ अर्ब ८९ करोड रहेको थियो ।