नेपाली कांग्रेसले ललितपुर महानगरपालिकाको मेयरको उम्मेदवारमा चिरिबाबु महर्जनलाई दोहोर्याउने भएको छ ।
चिरिबाबु महर्जन हाल ललितपुर महानगरका मेयर हुन् ।
कांग्रेस सभापति शेरबहादुर देउवाले सोमबार बिहान महर्जनलाई नै पुनः अर्को कार्यकालका लागि मेयरको उम्मेदवार बनाउने निर्णय गरेका हुन् ।
ललितपुरको मेयरको उम्मेदवारका लागि महर्जनसँगै प्रेमकृष्ण महर्जन र चन्द्र महर्जनको नाम सिफारिस भएको थियो ।