वैदेशिक रोजगारीमा जाने कामदारबाट म्यानपावर व्यवसायीहरुले आफू खुशी रकम संलकन गरेको भन्दै वैदेशिक रोजजार विभागले कम्पनीको खातामा रकम जम्मा गर्न आग्रह गरेको छ । विभागले बुधबार एक सूचना प्रकाशन गर्दै तिर्नुपर्ने रकम म्यानपावर कम्पनीको आधिकारिक बैंक खातामा जम्मा गर्न आग्रह गरेको हो ।
कामदारले आफू जान लागेको कामको लागि तिर्नुपर्ने रकम म्यानपावर कम्पनीको बैंक खातामा जम्मा गरेर ठगीबाट बच्न भैचर सुरक्षित राख्न विभागले आग्रह गरेको हो । यसैगरी, वैदेशिक रोजगारीमा जान लागेका नागरिकले अन्तरवार्तामा छनौट भएपछि मात्रै इजाजत प्राप्त म्यानपावरलाई सक्कल पासपोर्टलगायत आवश्यक कागजात बुझाउन विभागले सुझाएको छ ।
त्यस्ता कम्पनीले आवदेकबाट प्रतिलिपि वा स्क्यान कपी मात्र माग गरी छनौट भएका कामदार बाहेक अरुका सक्कल राहदानी जम्मा गर्ने गराउने कार्य नगर्न विभागले आग्रह गरेको छ ।
