हेवाखोला साना जलविद्युत आयोजनाको उत्पादन बन्द भएको छ। बाढीले आयोजनामा क्षति पुर्याएपछि बिजुली उत्पादन बन्द भएको हो।
४.५ मेगावाट क्षमताको यो आयोजना बरुण हाइड्रोपावर कम्पनी लिमिटेडले निर्माण गरेको हो । कम्पनीका अनुसार असार २ गते शनिबार राती आएको बाढीले आयोजनाको इन्टेक तथा पावरहाउसमा पुर्णरुपमा क्षति पुर्याएकोले विद्युत उत्पादन बन्द भएको हो ।
हेवाखोलामा आएको बाढीले क्षति पुर्याउदा पाँचथर पावर कम्पनीले निर्माण गरेको १४.९ मेगावाट क्षमताको हेवाखोला ए जलविद्युत आयोजना र अपर हेवाखोला हाइड्रोले बनाएको ८.५ मेगावाट क्षमताको अपर हेवाखोला साना जलविद्युत आयोजनाको विद्युत उत्पादन पनि बन्द भएको छ।
