दशैंको अवसर पारेर असोजको पहिलो साता स्टक क्लियरेन्स मेला आयोजना हुने भएको छ । असोज २ देखि ६ गतेसम्म सञ्चालन हुने मेलाको तयारी पुरा भएको आयोजक संस्था इभेण्ट सोलुसन प्रलिले जनाएको छ ।
चाड पर्वका बेला सस्तो मूल्यमा स्वदेशी तथा विदेशी सामान खरिद गर्न सक्नेगरी मेला आयोजना हुन लागेको हो । इभेन्ट सोलुसनले ‘दशैंको बेला सस्तो मेला’भन्ने नाराका मेला आयोजना गर्न लागेको हो ।
मेलामा दशैंका लागि आवश्यक सबै किसिमका सामाग्रीहरुको कारोबार हुने इभेण्ट सोलुसनका प्रबन्ध निर्देशक विजय सागर प्रधानले बताए । एक्स्पोमा नेपाल, भारत, पाकिस्तान, बंगलादेश, चीन, थाइल्याण्ड र जापानका उत्पादन राखिनेछ ।
मेलामा विभिन्न किसिमका बम्पर छुट अफर समेत रहने छन् । ‘अफरै अफरको ब्यापारिक मेला शपिगं गर्ने यहि हो बेला’ भन्ने अर्को नारासहित सञ्चालनहुने मेलामा बजारको तुलनामा सस्तोमा सामान खरिद गर्न सकिने जनाईएको छ ।
६० हजार उपभोक्ताले एक्स्पो अवलोकन गर्ने आयोजकको दाबी छ ।
